עמוס 8:14 - Masoretic Text 1524

¹⁴ הנשׁבעים באשׁמת שׁמרון ואמרו חי אלהיך דן וחי דרך באר שׁבע ונפלו ולא יקומו עוד׃

תנ"ך וברית חדשה בתרגום מודני

¹⁴ הַנִּשְׁבָּעִים֙ בְּאַשְׁמַ֣ת שֹֽׁמְר֔וֹן וְאָמְר֗וּ חֵ֤י אֱלֹהֶ֨יךָ֙ דָּ֔ן וְחֵ֖י דֶּ֣רֶךְ בְּאֵֽר־שָׁ֑בַע וְנָפְל֖וּ וְלֹא־יָק֥וּמוּ עֽוֹד׃ ס*

Westminster Leningrad Codex

¹⁴ הַנִּשְׁבָּעִים֙ בְּאַשְׁמַ֣ת שֹֽׁמְר֔וֹן וְאָמְר֗וּ חֵ֤י אֱלֹהֶ֨יךָ֙ דָּ֔ן וְחֵ֖י דֶּ֣רֶךְ בְּאֵֽר־שָׁ֑בַע וְנָפְל֖וּ וְלֹא־יָק֥וּמוּ עֽוֹד׃ ס

תנ"ך וברית חדשה בתרגום דליטש

¹⁴ הַנִּשְׁבָּעִים֙ בְּאַשְׁמַ֣ת שֹֽׁמְר֔וֹן וְאָמְר֗וּ חֵ֤י אֱלֹהֶ֨יךָ֙ דָּ֔ן וְחֵ֖י דֶּ֣רֶךְ בְּאֵֽר־שָׁ֑בַע וְנָפְל֖וּ וְלֹא־יָק֥וּמוּ עֽוֹד׃ ס*

עמוס 8:14 הפניות הצלבה

מלכים א 12:32

ויעשׂ ירבעם חג בחדשׁ השׁמיני בחמשׁה עשׂר יום לחדשׁ כחג אשׁר ביהודה ויעל על המזבח כן עשׂה בבית אל לזבח לעגלים אשׁר עשׂה והעמיד בבית אל את כהני הבמות אשׁר עשׂה׃

מלכים א 14:16

ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃

מלכים א 16:24

ויקן את ההר שׁמרון מאת שׁמר בככרים כסף ויבן את ההר ויקרא את שׁם העיר אשׁר בנה על שׁם שׁמר אדני ההר שׁמרון׃

מלכים ב 10:29

רק חטאי ירבעם בן נבט אשׁר החטיא את ישׂראל לא סר יהוא מאחריהם עגלי הזהב אשׁר בית אל ואשׁר בדן׃

דברי הימים ב 36:16

ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃

תהלים 140:10

(140:11) ימיטו עליהם גחלים באשׁ יפלם במהמרות בל יקומו׃

תהלים 36:12

(36:13) שׁם נפלו פעלי און דחו ולא יכלו קום׃

משלי 24:16

כי שׁבע יפול צדיק וקם ורשׁעים יכשׁלו ברעה׃

משלי 29:1

אישׁ תוכחות מקשׁה ערף פתע ישׁבר ואין מרפא׃

ישעיה 24:20

נוע תנוע ארץ כשׁכור והתנודדה כמלונה וכבד עליה פשׁעה ונפלה ולא תסיף קום׃

ישעיה 43:17

המוציא רכב וסוס חיל ועזוז יחדו ישׁכבו בל יקומו דעכו כפשׁתה כבו׃

ירמיה 25:27

ואמרת אליהם כה אמר יהוה צבאות אלהי ישׂראל שׁתו ושׁכרו וקיו ונפלו ולא תקומו מפני החרב אשׁר אנכי שׁלח ביניכם׃

ירמיה 51:64

ואמרת ככה תשׁקע בבל ולא תקום מפני הרעה אשׁר אנכי מביא עליה ויעפו עד הנה דברי ירמיהו׃

הושע 10:5

לעגלות בית און יגורו שׁכן שׁמרון כי אבל עליו עמו וכמריו עליו יגילו על כבודו כי גלה ממנו׃

הושע 13:16

(14:1) תאשׁם שׁמרון כי מרתה באלהיה בחרב יפלו עלליהם ירטשׁו והריותיו יבקעו׃

הושע 13:2

ועתה יוספו לחטא ויעשׂו להם מסכה מכספם כתבונם עצבים מעשׂה חרשׁים כלה להם הם אמרים זבחי אדם עגלים ישׁקון׃

הושע 4:15

אם זנה אתה ישׂראל אל יאשׁם יהודה ואל תבאו הגלגל ואל תעלו בית און ואל תשׁבעו חי יהוה׃

עמוס 5:1

שׁמעו את הדבר הזה אשׁר אנכי נשׂא עליכם קינה בית ישׂראל׃

עמוס 5:2

נפלה לא תוסיף קום בתולת ישׂראל נטשׁה על אדמתה אין מקימה׃

עמוס 5:5

ואל תדרשׁו בית אל והגלגל לא תבאו ובאר שׁבע לא תעברו כי הגלגל גלה יגלה ובית אל יהיה לאון׃

מיכה 1:5

בפשׁע יעקב כל זאת ובחטאות בית ישׂראל מי פשׁע יעקב הלוא שׁמרון ומי במות יהודה הלוא ירושׁלם׃

צפניה 1:5

ואת המשׁתחוים על הגגות לצבא השׁמים ואת המשׁתחוים הנשׁבעים ליהוה והנשׁבעים במלכם׃

דברים 33:11

ברך יהוה חילו ופעל ידיו תרצה מחץ מתנים קמיו ומשׂנאיו מן יקומון׃

דברים 9:21

ואת חטאתכם אשׁר עשׂיתם את העגל לקחתי ואשׂרף אתו באשׁ ואכת אתו טחון היטב עד אשׁר דק לעפר ואשׁלך את עפרו אל הנחל הירד מן ההר׃